பிஸ்மில்லாஹிர் ரஹ்மானிர் ரஹீம்
”சாதிக்க வைப்போம்!”
“கல்வி விழிப்புணர்வு முகாம்” மற்றும் “கருத்து பரிமாற்ற நிகழ்வு“
குவைத் தமிழ் இஸ்லாமியச் சங்கம் (K-Tic) ஏற்பாடு!
பேரன்புடையீர்! அஸ்ஸலாமு அலைக்கும் வரஹ்ம…
நம் பிள்ளைகளுக்கு ஏற்ற கல்வி எது? 12 மற்றும் 10ம் வகுப்புக்கு பிறகு உள்ள மேற்படிப்புகள் என்ன? எதிர்கால உள்நாடு மற்றும் வெளிநாடு கல்வி பற்றிய ஓர் அலசல், என்ன படிக்கலாம்? எங்கு படிக்கலாம்? எப்படி படிக்கலாம்? எப்போது படிக்கலாம்? ஆகியவற்றின் விரிவான விளக்கங்கள், கல்வி உதவித் தொகை குறித்த ம(ற)றைக்கப்பட்ட உண்மைகள் போன்றவற்றை குறித்து மேலதிக விபரங்களை அறிந்து கொள்வதற்கும், அனைவரும் தெரிந்து கொள்வதற்கும், கல்வி குறித்த கருத்துக்களை பரிமாறிக் கொள்வதற்கும், சந்தேகங்களில் தெளிவு பெறுவதற்கும்…
இன்ஷா அல்லாஹ் வருகின்ற 23-05-2008 வெள்ளிக்கிழமை மாலை 6:00 மணி முதல் மக்ரிப் தொழுகையைத் தொடர்ந்து இரவு 9:00 மணி வரை குவைத், மன்சூரிய்யா பகுதியில் உள்ள ‘ரிஃபாயி தீவானியா‘ (கத்ஆ : 2, ஷாரா : 26, அல் அரபி ஸ்டேடியம் அருகே) அரங்கத்தில் குவைத் தமிழ் இஸ்லாமியச் சங்கம் (K-tic) ஏற்பாடு செய்யும் ‘சாதிக்க வைப்போம்!‘ என்ற கருப்பொருளில் ‘இரண்டாவது கல்வி விழிப்புணர்வு முகாம் மற்றும் கருத்து பரிமாற்ற நிகழ்வு‘ நடைபெற இருக்கின்றன.
சங்கத்தின் துணைத்தலைவர் மவ்லானா மவ்லவீ அஷ்ஷைக் M.S. முஹம்மது மீராஷா ஃபாஜில் பாகவீ ஹழ்ரத் அவர்கள் தலைமையில் நடைபெறும் இம்முகாமில் சங்கத்தின் பொதுச் செயலாளர் பரங்கிப்பேட்டை மவ்லவீ அஃப்ழலுல் உலமா அ.பா. கலீல் அஹ்மத் பாகவீ M.A., அவர்கள் நிகழ்ச்சியை தொகுத்து வழங்குகின்றார்.
இச்சிறப்புமிகு முகாமில் சங்கத்தின் கல்விக் குழு செயலாளர்கள் திருநெல்வேலி ஷஃபி கல்வி அறக்கட்டளையின் தாளாளரும், குவைத் இந்தியன் இன்டகிரேடட் பள்ளி இணைப் பேராசிரியரும், சிறந்த கல்வியியல் ஆய்வாளருமான முனைவர் பேராசிரியர் M. அப்துல் ஹமீத் M.Sc., M.Phil, B.Ed., PhD., அவர்களும், குவைத் யுனிவர்ஸல் அமெரிக்கன் கலாசாலையின் சிறப்பாசிரியரும், குவைத் ஏர்வேஸ் நிறுவனத்தின் விமான ஓட்டி (பைலட்) பயிற்சியாளரும், சிறந்த மனோதத்துவ அறிஞருமான பேராசிரியர் A. அப்துர் ரஹீம் M.A., M.Ed., QTIC, அவர்களும் சிறப்புரையாற்றுவதுடன் கல்வி குறித்த அனைத்து சந்தேகங்களுக்கும் பதில் அளிக்கின்றனர்.
இச்சிறப்பு மிகு நிகழ்வில் குவைத் வாழ் தமிழ் முஸ்லிம்கள் அனைவரும் கருத்து வேறுபாடுகளை களைந்து பங்கேற்று பயனடையுமாறும், தங்களின் கருத்துக்களை பகிர்ந்து கொள்ளுமாறும் நிகழ்ச்சிக்கான ஏற்பாடுகளை சிறப்பான முறையில் செயது கொண்டிருக்கும் குவைத் தமிழ் இஸ்லாமியச் சங்கத்தின் நிர்வாகிகள், உறுப்பினர்கள், கல்விக்குழுவினர் மற்றும் களப்பணியாளர்கள் அன்புடன் அழைக்கின்றனர்.
மேலதிக செய்திகளுக்கும், சங்கத்தின் செயற்பாடுகள் குறித்து அறிந்து கொள்வதற்கும் சங்கத்தின் அதிகாரப்பூர்வ இணையதளமான www.K-Tic.com என்ற இணையதளத்தை பார்வையிடுமாறும், தங்களின் மேலான கருத்துக்கள், ஆலோசனைகளை q8tic@yahoo.com / ktic.kuwait@gmail.com என்ற மின்னஞ்சல் முகவரிகளுக்கு அனுப்பி வைக்குமாறும், உடனுக்குடன் தகவல்கள் தங்களின் மின்னஞ்சல்களுக்கு வந்து சேர http://groups.yahoo.com/group/K-Tic-group என்ற யாஹு குழுமத்தின் தங்களை இணைத்துக் கொள்ளுமாறும் சங்க செய்திக்குறிப்பு அழைப்பு விடுக்கின்றது. நன்றி. வஸ்ஸலாம்.
செய்தி :
தகவல் தொடர்பு பிரிவு,
குவைத் தமிழ் இஸ்லாமியச் சங்கம் (K-Tic)
இணையதளம் : www.k-tic.com
மின்னஞ்சல் : q8tic@yahoo.com
யாஹூ குழுமம் : http://groups.yahoo.com/group/K-Tic-group
மறுமொழி இல்லை » | 
கல்வி | குறிச்சொல்லிடப்பட்டது: Add new tag, கல்வி, குவைத், மேற்படிப்பு | 
நிரந்தர பந்தம்
பதிந்தவர் masdooka